ansonlht（阿牧）:
............《大叔的爱》终於大结局了❤️
记得初初公司考虑紧我接唔接拍哩部剧嘅时候，我净係想像都觉得係会有一定嘅压力，因为睇过原剧日版实在有太深刻嘅感受，每一个角色都好独特又出色，每一个场口都好自然但有趣，每一段关係都好虐心但温暖。自己一开始係好担心演绎唔到日版嘅精神，甚至会糟蹋咗日版，令大家失望。但心裏知道哩个係一个好好嘅机会去试练，去测试一下自己继《男排女將》Bobby一角之后可以做到几多，所以最后同花姐讲「我想拍」。
喺之前嘅IG Live同访问其实都分享咗好多关於拍剧嘅情况同趣事，所以今次分享多一啲「阿牧」嘅成长吧。
坦白讲，对我嚟讲嗰两个几月嘅拍摄喺精神上係几疲累几demanding嘅感觉。好记得第一次由头到尾睇晒成份剧本之后，第一个感觉係：阿牧最开心时嘅energy level都唔及Carmen姐嘅一半????成套剧佔咗三分二嘅场口都係比较负面嘅情绪，剧本上好多时出现嘅一句演员指引就係「阿牧不是味儿反应」。拍摄头几日我都仲摸索紧「不是味儿」哩个指引係一个咩情绪；但隨著拍摄日子愈来愈长，我就开始明白阿牧嘅不是味儿喺每一场都可能有少少分別，可能係失望？失落？妒忌？心烦？寂寞？
哩两三个月，我自己有种感觉觉得「Anson Lo」喺哩个世界彷彿消失咗咁。好多时拍摄完返到屋企係好攰，但会有个意识叫自己执下嘢、做下家务。有时搭车返剧组开工嘅车程途中，听住「阿牧歌单」，望住车窗出面嘅天空都係灰灰暗暗。可能係绝大部份嘅场口情绪，令自己好似被好多重寂寞嘅气围包围住。
最近好多亲戚朋友问我「你喺大叔的爱每次唔开心或者喊嘅时候係諗紧咩？」当时因为有好多场口都係跳拍，全部都唔係跟剧本正常
timeline拍，即使拍紧「分手」嗰一场，其实係仲未拍过任何阿牧同阿田sweet、拍拖嘅场口，所以好多时自己只能靠幻想。「分手」嗰一场拍摄之前，我同吕爵安喺间熄晒灯嘅房入面酝酿情绪。当时我不断幻想嘅係，阿牧同阿田未发生过嘅拍拖日常画面、阿田同梓芊一齐咗嘅画面、阿牧提出分手之后入房执行李离开嘅画面。或者未必係一个好正確嘅方法，但係我当时唯一依赖嘅做法。
好感谢每一位观眾支持大叔的爱，支持阿牧哩一个角色。哩三个星期收到好多大家嘅留言，见到大家都好代入每一位角色去分析剧情，你哋会跟住我哋笑、跟住我哋喊。哩三个星期就好似每晚都同大家一齐睇电视咁，大家唔单止会听主题曲同片尾曲，仲会同阿牧一齐听阿牧嘅歌单，一齐去感受阿牧嘅內心世界，好感恩可以同你地每一位有一个咁大嘅bonding。
感谢ViuTV令到港版嘅大叔的爱诞生。多谢监製Tommy同导演CK对我嘅信任，两位由头到尾都好相信好鼓励我。好记得拍摄中段我成日问两位我有啲咩要调整，佢地异口同声答我：「如果你做得唔好我地一定会同你讲，但首先你要俾多啲信心自己，唔好下下觉得自己一定会做得唔好。」你地嘅鼓励係俾咗好大嘅勇气我。感激製作组、拍摄组同埋台前幕后所有工作人员成就哩一套剧，冇你地每一位嘅汗水都唔会有依家大家睇到嘅每一个场景、画面。辛苦晒大家????
今次同到自己嘅战友同埋各位前辈合作，好似多咗一个大家庭咁，好怀念大家一齐有讲有笑开工，係好有爱嘅一个工作crew❤️
多谢「阿牧」教咗我好多嘢。好早前我讲过「每个人都需要一个阿牧」，因为佢令我明白日常生活上待人处事可以再多啲企喺人哋角度諗、多啲照顾身边嘅人、佢对爱情嘅执著，同埋提醒我係时候要认真学下煮嘢食???? 感激大家对我嘅包容，演戏上有太多地方要学习同努力。希望大家感受到港版大叔的爱嘅认真同埋背后意义，感受到每一个角色嘅投入。
Anson Lo会继续努力，因为我知道我真係好享受演戏！希望下一次再畀大家睇到Anson Lo唔同嘅一面????
#大叔的爱
#感恩
#辛苦大家睇千字文
edanlui（阿田）:
............关於<大叔的爱>这回事(20：30开始打)。
好啦事隔3个月，田一雄终於嚟找数啦????
点解隔咗咁耐先讲感想？
其实我都唔想????♂️
我试过开咗个头，但发觉完全唔知点样入手（可能因为DSE中文作文拎3????)，顿时明白哩单野一定十分time consuming, 所以就决定先將哩篇文搁置，等得閒啲先打????
去到前几日，我发觉我再唔打，可能下年<iSwim>出街我都未打????
所以就逼自己衬今日夜晚得閒（平时拎咗嚟打机haha)，一定要爆发小宇宙，完成哩个壮举????
果然我冇估错，由於爵安好多口水废话再加选择困难症，呢坛嘢真係需要好多时间。
我净係拣相都拣咗半个钟，20:00拣到20:30，20:30开始打，而家20:54，我先打到哩到，都仲未入正题????????希望真係完成到????
(Btw我係咪第一个会讲自己几点打到边嘅人????????????)。
好，入正题❤️
首先一定要多谢<大叔的爱>哩套剧嘅所有幕后工作人员，感激大家嘅用心同付出先成就到哩一套剧集。
每日拍摄嘅气氛都真係好开心，大家有讲有笑，超好玩????
同埋大家可能唔知，哩次负责拍摄嘅crew其实大部分都係<男排女將>嘅crew, 甚至有几位係由我第一套剧<娱乐风云>睇到我拍<大叔>，所以嗰种感觉係份外亲切，好温馨????
亦当然要多谢监製tommy同导演ck,多谢你哋咁够薑用我同ansonlo做主角????????
casting嗰阵仲係2020年嘅3月，当时嘅我哋连<男排>都未拍完，咁新咁冇经验都肯用我哋，真係好大胆????真係我係你都惊????
多谢你哋嘅信任！????(21:11)。
当然都要多谢所有演员们！同大家做戏真係好好玩笑餐死，好希望可以再同大家合作????
特別多谢@kennywong8384同@ansonlht啦~多谢德斌咁照顾我，同我分享好多经验，教我好多嘢，就好似个爸爸咁，超温暖????
Ansonlo就唔多讲啦????好庆幸可以同你一齐参演哩套剧，希望未来我哋都可以继续一齐进步一齐support住大家????(21：20)。
然后就要多谢田一雄????
全靠哩套剧，哩个角色，先会令大家认识Edan, 更加了解Edan。
所以遇上你，我真係唔知係自己几生修来的福????????
当初收到casting通知，我就即刻衝去睇日版。一睇完嘅感觉：哗，好好睇，好好笑，好想做！因为自己本身就好鍾意喜剧，同时亦发现田一雄有部分地方的確同自己好似????（善良，可爱嗰part)，又觉得嗰的浮夸样好正，所以真係好期待。
而同时当然会有压力，始终係第一次做主角，再加上日版真係做得好好，大家一定会有比较，好担心会因为自己做得唔好，ruin咗成套剧。
所以临出街前真係又紧张又兴奋，又想睇吓自己嘅表现，又惊自己做得差。
到真係出咗街后，有好多人睇同话好搞笑係好开心嘅????
不过同时自己睇返自己就发现好多位都可以做得好啲，亦都睇到好多唔同嘅comments, 去到后尾甚至唔係好敢睇返自己，就索性唔睇算????
但之后諗通咗嘅就係，经验少就係经验少，演技未够好就係未够好，所以先更加要从哩次演出中汲取经验同教训，咁下次先可以做得好啲????
每一次嘅拍摄同演出都係一个经验嘅累积，如果我因为惊做得唔好惊比人话，就永远都进步唔到。????
所以要多谢田一雄，比咗我一个咁难得同宝贵嘅经验我????
相信哩次有帮我加到好多exp!!(21:53)
有好多人问，你比人话[渣田]有冇唔开心啊？咁坦白讲，边有人会唔想自己做嘅角色受欢迎同多人鍾意？????
但其实都係大家睇得好投入先会咁姐，我自己睇都心諗[啊田你做乜_啊????]，係抵嬲嘅！
同埋讲真。。。小弟都係跟剧本做姐????????????????(kidding la~)
不过我事后都有諗过其实有啲地方係自己可以控制到，可能个语气唔同少少已经冇咁[渣]，但拍嘅时候自己又察觉唔到，所以都係嗰句，经验~(22：00)
打吓打吓就两粒钟，睇到哩到嘅你比个叻你????好似都諗唔到啲咩讲了~
总之就好感激[大叔的爱]令更加多人认识到爵安，亦衷心感激每一位喜欢[大叔的爱]嘅你哋????
爵安会继续喺哩条演员嘅道路上努力，希望之后嘅每一个作品都可以比大家见到进步，比大家睇到更多唔同嘅爵安????
最后，其实自己私心好想可以再演多次田一雄，希望未来会有机会啦！????
田一雄，我哋有缘再见！❤️
(22:15 哗终於完成壮举，感动????)
#大叔的爱
#打caption真係唔係咁易
#如果一个唔小心就意外kill咗app我应该会癲☺️ #原来打咗成1800字????????
#其实我最憎就係作文????
#不过分享感想就另计啦
#啱哂我呢啲口水佬????
#係懒得打姐????
#唔proofread了
#打错话我知????
#22:20
