抱住我係嚟睇一出青春校园破镜重圆爱情剧点解会攞金像奖嘅心情，结果就係完全出乎我意料嘅好睇，几乎喊咗大半套戏，平复完心情出影院攞poster工作人员：我就话明明仲有一个。
剧情平稳而不拖沓，有反转位有惊喜位，每一处配乐都恰到好处、好听。当我睇到Summer望住苏升华弹琴个背影，嗰种好心up嘅感觉令我忽然反应过嚟，唔通今铺又玩940920？果然…不得不说许恩怡每一场喊戏，我都睇到忍唔住跟著喊。
仲有一个位係我而家脑内重温返醒起嘅，就係佢哋荡千秋，苏突然叫“夏文萱”，有闪过一瞬间嘅惊喜，“有冇人话你好似你阿妈”，跟返后面夏文萱好失望质问苏係唔係唔记得咗佢，再回想返千秋嗰一个眼神其实都同样带著失落。
喺睇戏前一日我有开始听《久别重逢》，好惊喜原来係郑伊健Ian合唱，睇戏中间嗰阵就会忍唔住开始谂：欸？所以佢哋会一齐唱呢首歌嘅机缘係乜嘢？答案点知又真係有。原来都係一出讲梦想讲初心嘅戏。
距离睇完电影过去一个钟，依然喺巴士上喊到眼泪止唔住，可能係耳机里播住《久别重逢》太好听，可能係睇咗一套好睇嘅电影太难得，可能係谂返起伊面呢个中佬真係好靓仔，就係好想喊…
希望有更多嘅人可以睇到《久别·重逢》。
